ನಿರ್ದೇಶಕ ರೋಹಿತ್ ಪದಕಿ ನಿರ್ದೇಶನ ಹಾಗೂ ಯುವ ರಾಜ್ಕುಮಾರ್ ಕಾಂಬಿನೇಷನ್ನಲ್ಲಿ ಮೂಡಿಬಂದಿರುವ ಎಕ್ಕ ಈ ವರ್ಷದ ನಿರೀಕ್ಷಿತ ಚಿತ್ರಗಳಲ್ಲೊಂದು. ಹಾಡುಗಳ ಮೂಲಕವೇ ಜನರನ್ನು ತಲುಪಿದ್ದ ಎಕ್ಕ ಚಿತ್ರ ಭರ್ಜರಿ ಪ್ರಚಾರವನ್ನು ಪ್ರೇಕ್ಷಕರಿಂದಲೇ ಪಡೆದುಕೊಂಡಿತ್ತು.
ಬಳಿಕ ಬಿಡುಗಡೆಯಾದ ಟ್ರೈಲರ್ ಸಹ ಸಿನಿ ರಸಿಕರನ್ನು ಚಿತ್ರಮಂದಿರಗಳತ್ತ ಕರೆತರುವ ಪ್ರಯತ್ನ ಮಾಡಿತು. ಹೀಗೆ ನಿರೀಕ್ಷೆಯೊಂದಿಗೆ ಬಿಡುಗಡೆಯಾದ ಎಕ್ಕ ಚಿತ್ರ ಮುಂಜಾನೆ ಪ್ರದರ್ಶನಗಳಲ್ಲಿ ನಿಧಾನಗತಿಯ ಆರಂಭ ಮಾಡಿದರೂ ಮೊದಲ ದಿನದ ರಾತ್ರಿ ಪ್ರದರ್ಶನ ಮುಗಿಯುವ ವೇಳೆಗೆ ರಾಜ್ಯದ ಪ್ರಮುಖ ನಗರಗಳ ಬಹುತೇಕ ಎಲ್ಲ ಚಿತ್ರಮಂದಿರಗಳಲ್ಲೂ ಹೌಸ್ಫುಲ್ ಬೋರ್ಡ್ ಹಾಕಿಸಿಕೊಂಡಿದೆ.
ಹೌದು, ನಿನ್ನೆ ಬೆಳಗ್ಗೆ ಹಾಗೂ ಮಧ್ಯಾಹ್ನದ ಪ್ರದರ್ಶನಗಳಿಗಿಂತ ರಾತ್ರಿ ಪ್ರದರ್ಶನಗಳಿಗೆ ಭರ್ಜರಿ ರೆಸ್ಪಾನ್ಸ್ ಬಂದಿದ್ದು, ಎಕ್ಕ ಮೊದಲ ದಿನವೇ ಬಾಕ್ಸ್ಆಫೀಸ್ನಲ್ಲಿ ಸದ್ದು ಮಾಡಿದೆ. ವರ್ಷಪೂರ್ತಿ ಜನರನ್ನೇ ಕಾಣದ ಅದೆಷ್ಟೋ ಕುರ್ಚಿಗಳಿಗೆ ಕೆಲಸ ಸಿಕ್ಕಂತಾಗಿದೆ. ಹೀಗೆ ಮೊದಲ ದಿನವೇ ಒಳ್ಳೆಯ ಪ್ರತಿಕ್ರಿಯೆ ಪಡೆದುಕೊಂಡಿರುವ ಎಕ್ಕ ಬಾಕ್ಸ್ಆಫೀಸ್ನಲ್ಲೂ ಒಳ್ಳೆಯ ಗಳಿಕೆ ಕಂಡಿದೆ.
ಸ್ಯಾಕ್ನಿಕ್ ಬಾಕ್ಸ್ಆಫೀಸ್ ಟ್ರ್ಯಾಕಿಂಗ್ ವೆಬ್ಸೈಟ್ ಪ್ರಕಾರ ಎಕ್ಕ ಮೊದಲ ದಿನ 1.60 ಕೋಟಿ ನೆಟ್ ಕಲೆಕ್ಷನ್ ಮಾಡಿದೆ ಎಂದು ವರದಿ ಮಾಡಿದೆ. ಈ ಮೂಲಕ ಎಕ್ಕ ಮೊದಲ ದಿನ 2.5ರಿಂದ 3 ಕೋಟಿ ಗ್ರಾಸ್ ಕಲೆಕ್ಷನ್ ಮಾಡಿದೆ.
ಮಾಂಸಾಹಾರ ಮಾರಾಟ ಮಾಡದಂತೆ ಕೆಎಫ್ಸಿ ಬಾಗಿಲು ಮುಚ್ಚಿದ ಹಿಂದೂ ರಕ್ಷಣಾ ದಳ; ವಿಡಿಯೊ
ಕೃಷಿ ಎಐ ಕನ್ನಡ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.