ಬೆಂಗಳೂರು: ಧರ್ಮಸ್ಥಳದಲ್ಲಿ ನಡೆಯುತ್ತಿರುವ ಎಸ್‌ಐಟಿ ತನಿಖೆಯ ಕುರಿತು ಸುದ್ದಿ ಮಾಡುವ ವಿಚಾರವಾಗಿ ಖ್ಯಾತ ಯುಟ್ಯೂಬರ್ ಚಂದನ್‌ ಗೌಡ ದುಡ್ಡು ಪಡೆದು ಅಪಪ್ರಚಾರ ಮಾಡಿದ್ದಾರೆ ಎಂದು ಗಂಭೀರ ಆರೋಪ ಮಾಡಿ ಅದನ್ನು ಸಾಬೀತುಪಡಿಸಲಾಗದೇ ಜನರ ಮುಂದೆ ಬೆತ್ತಲಾದ ಯುಟ್ಯೂಬರ್ ಸುಮಂತ್ ಸದ್ಯ ಯಾವುದೇ ವಿಡಿಯೊ ಮಾಡದೇ ತಲೆ ಮರೆಸಿಕೊಂಡಿದ್ದಾನೆ.
ಅಲ್ಲದೇ ಈತ ಬೇಕಂತಲೇ ಚಂದನ್‌ ಗೌಡನನ್ನು ಸಿಕ್ಕಿಹಾಕಿಸಿದ್ದಾಗಿ ಹೇಳಿಕೊಂಡಿದ್ದ ಆಡಿಯೊವನ್ನು ರೆಕಾರ್ಡ್‌ ಮಾಡಿಕೊಂಡು ಬಿಡುಗಡೆ ಮಾಡಿದ್ದ ಚೇತನ್‌ ಎಂಬ ಹುಡುಗನಿಗೂ ಸಹ ಕೊಲೆ ಬೆದರಿಕೆ ಹಾಕಿದ್ದ ಸುಮಂತ್ ತನ್ನ ನಿಜವಾದ ಮುಖವಾಡವನ್ನು ತಾನೇ ಕಳಚಿಕೊಂಡಿದ್ದ.
ಹೀಗೆ ಒಂದೊಂದಾಗಿ ತನ್ನ ನಿಜರೂಪ ಪ್ರದರ್ಶಿಸಿದ ಸುಮಂತ್‌ನ ಹಿನ್ನೆಲೆ ಕೆದಕಿದಾಗ ಈತ ಈ ಹಿಂದೆ ಬಾರ್‌ನಲ್ಲಿ ಕೆಲಸ ಮಾಡುತ್ತಿದ್ದ, ಧರ್ಮಸ್ಥಳ ತನಿಖೆ ಆರಂಭವಾದ ಬಳಿಕ ಬಾರ್‌ ಕೆಲಸ ಬಿಟ್ಟು ಯುಟ್ಯೂಬ್‌ನತ್ತ ಬಂದ ಎಂಬುದು ತಿಳಿದುಬಂದಿದೆ.
ಇನ್ನು ಈತ ಚಂದನ್‌ ಗೌಡ ಹಾಗೂ ಸಮೀರ್‌ ಬಗ್ಗೆ ಮಾತ್ರವಲ್ಲದೇ ಸೌಜನ್ಯ ತಾಯಿಯ ಬಗ್ಗೆ ಸಹ ಕೆಟ್ಟದಾಗಿ ಮಾತನಾಡಿದ್ದ ಎಂದು ಚೇತನ್‌ ಆರೋಪಿಸಿದ್ದು, ಇದರಿಂದ ರೊಚ್ಚಿಗೆದ್ದ ಸೌಜನ್ಯ ಪರ ಹೋರಾಟಗಾರ್ತಿ ಸಂದ್ಯಾ ಈತನಿಗೆ ಕರೆ ಮಾಡಿ ಚಳಿ ಬಿಡಿಸಿದ್ದರು.
ಇದೇ ಸಂದ್ಯಾ ಸುಮಂತ್ ತಂದೆಗೆ ಕರೆ ಮಾಡಿ ಮಾತನಾಡಿದ್ದು, ಸುಮಂತ್ ತಂದೆ ಇದರ ಬಗ್ಗೆ ತನಗೆ ಇತ್ತೀಚೆಗಷ್ಟೆ ಗೊತ್ತಾಗಿದ್ದು, ಇದೆಲ್ಲ ನಮಗೆ ಯಾಕೆ ಬೇಕು ಪೊಲೀಸರಿದ್ದಾರೆ ಅವರೇ ಎಲ್ಲವನ್ನೂ ನೋಡಿಕೊಳ್ತಾರೆ ಎಂದು ಬುದ್ದಿ ಹೇಳಿದ್ದಾಗಿ ಹೇಳಿಕೊಂಡಿದ್ದಾರೆ.
ಅಲ್ಲದೇ ಮೊದಲು ಬಾರ್‌ಗೆ ಕೆಲಸಕ್ಕೆ ತೆರಳುತ್ತಿದ್ದ, ಆದರೆ ಈಗ ಅದನ್ನೂ ಸಹ ಬಿಟ್ಟಿದ್ದು, ಹಣ ಎಲ್ಲಿಂದ ಬರುತ್ತಿದೆಯೋ ಗೊತ್ತಿಲ್ಲ ಎಂದಿದ್ದಾರೆ. ದೊಡ್ಡವರ ವಿಚಾರವೆಲ್ಲ ನಮಗೆ ಯಾಕೆ ಎಂದು ಬುದ್ದಿ ಹೇಳಿದ್ದೇನೆ ಆದರೂ ಕೇಳುತ್ತಿಲ್ಲ ಎಂದಿದ್ದಾರೆ. ನಾವೂ ಸಹ ಕೂಲಿ ಮಾಡಿ ಜೀವನ ನಡೆಸಬೇಕು, ನಾವು ಶ್ರೀಮಂತರಲ್ಲ ಎಂದು ಸುಮಂತ್ ತಂದೆ ಹೇಳಿಕೊಂಡಿದ್ದಾರೆ.
ಇನ್ನು ಚೇತನ್‌ಗೆ ಕೊಲೆ ಬೆದರಿಕೆ ಹಾಕಿದ ಬಗ್ಗೆ ಮಾತನಾಡಿದ ಸುಮಂತ್ ತಂದೆ ಇದೆಲ್ಲ ನಮಗೆ ಗೊತ್ತಿಲ್ಲ ಮೇಡಂ, ಆದರೆ ಕಾನೂನಿನ ಬಗ್ಗೆ ಇವನಿಗೇನು ಗೊತ್ತು ಎಂದು ಬೇಸರ ಹೊರಹಾಕಿದ್ದಾರೆ.
ಒಟ್ಟಿನಲ್ಲಿ ಪ್ರಚಾರದ ಗೀಳಿಗೆ ಬಿದ್ದ ಮಗನಿಂದ ತಂದೆ ಹಾಗೂ ತಾಯಿ ಇಂತಹ ವಿಷಯಗಳ ಬಗ್ಗೆ ಮಾತನಾಡಿ ತಲೆ ತಗ್ಗಿಸುವ ಹಾಗೆ ಮಡಿದ್ದಾನೆ ಸುಮಂತ್.
ಎಐ ಅಡ್ವೋಕೇಟ್‌ ಅಸಿಸ್ಟೆಂಟ್‌ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.