ನವರಾತ್ರಿಯ ಮೂರನೇ ದಿನ ಆದಿಶಕ್ತಿಯ ಮೂರನೇ ರೂಪವಾದ ಚಂದ್ರಘಂಟಾ ದೇವಿಯನ್ನು ಭಕ್ತಿಪೂರ್ವಕವಾಗಿ ಆರಾಧಿಸಲಾಗುತ್ತದೆ. ಈಕೆಯ ಹಣೆಯ ಮೇಲೆ ಗಂಟೆಯಾಕಾರದ ಅರ್ಧಚಂದ್ರ ಇರುವುದರಿಂದ ಈ ಹೆಸರು ಬಂದಿದೆ.
ಚಂದ್ರಘಂಟಾ ದೇವಿಯು ಶಾಂತಿ ಮತ್ತು ಸೌಮ್ಯತೆಯ ಸ್ವರೂಪವಾಗಿದ್ದರೂ, ಆಕೆಯ ಮೂರನೇ ಕಣ್ಣು ಸದಾ ತೆರೆದಿರುತ್ತದೆ. ಯಾವುದೇ ಸಮಯದಲ್ಲಿ ದುಷ್ಟ ಶಕ್ತಿಗಳನ್ನು ನಾಶ ಮಾಡಲು ಸಿದ್ಧಳಾಗಿರುತ್ತಾಳೆ.
ಈ ದೇವಿಯು ಚಂದ್ರಿಕಾ, ಚಂಡಿಕಾ, ಮತ್ತು ರಣಚಂಡಿ ಎಂದೂ ಪ್ರಸಿದ್ಧಳು. ಆಕೆಗೆ ಹತ್ತು ಕೈಗಳಿದ್ದು, ಒಂಬತ್ತು ಕೈಗಳಲ್ಲಿ ವಿವಿಧ ಆಯುಧಗಳನ್ನು ಹಿಡಿದಿದ್ದಾಳೆ. ಇನ್ನೊಂದು ಕೈ ಭಕ್ತರಿಗೆ ಆಶೀರ್ವಾದ ನೀಡುವ ಭಂಗಿಯಲ್ಲಿರುತ್ತದೆ.
ಸಿಂಹವಾಹಿನಿಯಾಗಿರುವ ಈ ದೇವಿಯು ಶೌರ್ಯ ಮತ್ತು ಧೈರ್ಯದ ಪ್ರತೀಕವಾಗಿದ್ದಾಳೆ. ಚಂದ್ರಘಂಟಾ ದೇವಿಯನ್ನು ಪೂಜಿಸುವುದರಿಂದ ಭಕ್ತರು ಸಂಪತ್ತು, ಸಮೃದ್ಧಿ ಮತ್ತು ಯಶಸ್ಸನ್ನು ಪಡೆಯುತ್ತಾರೆ.
ಚಂದ್ರಘಂಟಾ ದೇವಿಯ ಕಥೆ: ಶಿವ-ಪಾರ್ವತಿಯ ವಿವಾಹ
ದುರ್ಗಾ ದೇವಿಯ ವಿವಾಹಿತ ರೂಪವಾದ ಚಂದ್ರಘಂಟಾ ದೇವಿಯ ಕಥೆಯು ಶಿವ ಮತ್ತು ಪಾರ್ವತಿಯ ಮದುವೆಗೆ ಸಂಬಂಧಿಸಿದೆ. ಪಾರ್ವತಿ ದೇವಿಯು ಕಠಿಣವಾದ ತಪಸ್ಸನ್ನು ಮಾಡಿ ಶಿವನನ್ನು ಮೆಚ್ಚಿಸಿ, ವಿವಾಹವಾಗಲು ಸಿದ್ಧಳಾಗುತ್ತಾಳೆ.
ವಿವಾಹದ ಮೆರವಣಿಗೆಯ ಸಂದರ್ಭದಲ್ಲಿ, ಶಿವನು ತನ್ನ ಭಯಂಕರ ರೂಪದಲ್ಲಿ ಭೂತಗಣಗಳೊಂದಿಗೆ ಪಾರ್ವತಿಯ ಅರಮನೆಗೆ ಬರುತ್ತಾನೆ. ಶಿವನ ವಿಚಿತ್ರ ವೇಷಭೂಷಣ ಮತ್ತು ಗಣಗಳ ರೌದ್ರ ಸ್ವರೂಪವನ್ನು ನೋಡಿ ಪಾರ್ವತಿಯ ತಾಯಿ ಹೆದರಿ ಮೂರ್ಛೆ ಹೋಗುತ್ತಾಳೆ.
ತನ್ನ ತಾಯಿಯ ಸ್ಥಿತಿಯನ್ನು ನೋಡಿ ಪಾರ್ವತಿಯು ತಕ್ಷಣವೇ ಚಂದ್ರಘಂಟಾ ರೂಪವನ್ನು ತಾಳುತ್ತಾಳೆ. ನಂತರ ಶಿವನನ್ನು ವಿನಂತಿಸಿ, ಸುಂದರ ರಾಜಕುಮಾರನಂತೆ ತನ್ನ ರೂಪವನ್ನು ಬದಲಾಯಿಸಿಕೊಳ್ಳಲು ಕೇಳಿಕೊಳ್ಳುತ್ತಾಳೆ. ಪಾರ್ವತಿಯ ಮಾತನ್ನು ಗೌರವಿಸಿ ಶಿವನು ತನ್ನ ರೂಪವನ್ನು ಬದಲಾಯಿಸಿಕೊಂಡ ನಂತರ, ಅವರಿಬ್ಬರ ವಿವಾಹವು ಸುಸೂತ್ರವಾಗಿ ನೆರವೇರುತ್ತದೆ.
ಹೀಗೆ, ದುರ್ಗೆಯ ಈ ರೂಪವು ಮಾತೃಪ್ರೇಮ ಮತ್ತು ರಕ್ಷಣೆಯ ಸಂಕೇತವಾಗಿದೆ. ಈ ಕಥೆಯು ದುಷ್ಟಶಕ್ತಿಗಳನ್ನು ನಾಶಪಡಿಸುವ ರೌದ್ರ ಸ್ವರೂಪದ ದೇವಿಯೇ ಪ್ರೀತಿ ಮತ್ತು ಸೌಂದರ್ಯವನ್ನು ಹೇಗೆ ಪ್ರಕಟಪಡಿಸುತ್ತಾಳೆ ಎಂಬುದನ್ನು ತೋರಿಸುತ್ತದೆ. ಈ ದಿನ ದೇವಿಗೆ ವಸ್ತ್ರಾಲಂಕಾರ ಮಾಡಿ ಪೂಜೆ ಮಾಡುವುದರಿಂದ ಆಕೆಯ ಅನುಗ್ರಹ ಮತ್ತು ನೆಮ್ಮದಿ ಪ್ರಾಪ್ತಿಯಾಗುತ್ತದೆ.
ಚಂದ್ರಘಂಟಾ ದೇವಿಯ ಪೂಜೆಯನ್ನು ಆರಂಭಿಸಲು ಶುಭ ಸಮಯಗಳು ಇಲ್ಲಿವೆ:
ಬ್ರಾಹ್ಮಿ ಮುಹೂರ್ತ: ಬೆಳಗಿನ ಜಾವ 4:30 ರಿಂದ 5:25 ರವರೆಗೆ. ಈ ಸಮಯದಲ್ಲಿ ದೇವಿಯ ಆರಾಧನೆ ಮಾಡುವುದು ಅತ್ಯಂತ ಶ್ರೇಷ್ಠ.
ಸರ್ವಾರ್ಥ ಸಿದ್ಧಿ ಯೋಗ: ಬೆಳಿಗ್ಗೆ 6:15 ರಿಂದ 9:30 ರವರೆಗೆ.
ಅಭಿಜಿತ್ ಮುಹೂರ್ತ: ಮಧ್ಯಾಹ್ನ 11:45 ರಿಂದ 12:35 ರವರೆಗೆ.
ಅಮೃತ ಮುಹೂರ್ತ: ಬೆಳಿಗ್ಗೆ 11:40 ರಿಂದ ಮಧ್ಯಾಹ್ನ 1:25 ರವರೆಗೆ.
ಗೋಧೂಳಿ ಮುಹೂರ್ತ: ಸಂಜೆ 6:00 ರಿಂದ 7:00 ರವರೆಗೆ.
ಪೂಜಾ ವಿಧಾನ ಮತ್ತು ನೈವೇದ್ಯ:
ದೇವಿಗೆ ಪ್ರಿಯವಾದ ಬಿಳಿ ಮಲ್ಲಿಗೆ ಹೂವಿನಿಂದ ಅರ್ಪಣೆ ಮಾಡಬೇಕು.
16 ರೀತಿಯ ನೈವೇದ್ಯಗಳನ್ನು ಸಲ್ಲಿಸಿ, ಕೊನೆಯಲ್ಲಿ ಆರತಿಯೊಂದಿಗೆ ಪೂಜೆ ಮುಗಿಸಬೇಕು.
ಈ ಪೂಜೆಯು ಮನೆಯಲ್ಲಿ ಸುಖ, ಸಮೃದ್ಧಿ ಮತ್ತು ನೆಮ್ಮದಿ ತರುತ್ತದೆ.
ಚಂದ್ರಘಂಟಾ ದೇವಿಯ ಆಶೀರ್ವಾದ ಪಡೆಯಲು ಈ ಕೆಳಗಿನ ಮಂತ್ರಗಳನ್ನು ಪಠಿಸಬಹುದು:
‘ಓಂ ದೇವಿ ಚಂದ್ರಘಂಟಾಯೈ ನಮಃ’
‘ಪಿಂಡಾಜ ಪ್ರವಾರುಧ್ ಚಂಡಕೊಪಸ್ತ್ರಕೈರ್ಯುತ | ಪ್ರಸಾದಂ ತನುತೆ ಮಧ್ಯಮ ಚಂದ್ರಘಂಟತಿ ವಿಶ್ರೂತಾ ||’
ಯಾ ದೇವಿ ಸರ್ವಭುತೇಶ್ ಮಾ ಚಂದ್ರಘಂಟ ರೂಪನೆ ಸಂಷ್ಠಿತಾ ನಮಸ್ತಾಸ್ಯೈ ನಮಸ್ತಾಸಾಯಿ ನಮಸ್ತಾಸ್ಯೈ ನಮೋ ನಮಃ
ಅಪಾದುದ್ದರಿಣಿ ತುವಹಿ ಆದಿ ಶಕ್ತಿ ಶುಭಪರಂ ಅನಿಮದಿ ಸಿದ್ದಿದಾತ್ರಿ ಚಂದ್ರಘಂಟೆ ಪ್ರಾಣಮಾಮಯಂ ಚಂದ್ರಮುಖಿ ಇಶತಾ ದತ್ತಿ ಇಶ್ಯಾಂ ಮಂತ್ರ ಸ್ವರೂಪಿಣಿಮ್
ನವರಾತ್ರಿ ಎರಡನೇ ದಿನ: ಬ್ರಹ್ಮಚಾರಿಣಿ ಪೂಜೆ ಶುಭ ಮುಹೂರ್ತ, ಪೂಜಾ ವಿಧಿ ಮತ್ತು ಮಂತ್ರಗಳು
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.