ಹೊಸದಿಲ್ಲಿ: ಸುಮಾರು 60 ಮುಸಲ್ಮಾನ ನಾಯಕರು ಆರೆಸ್ಸೆಸ್ ಸರಸಂಘಚಾಲಕ ಮೋಹನ್‌ ಭಾಗ್ವತ್ ಅವರನ್ನು ಭೇಟಿಯಾಗಿ ವಿವಿಧ ಸಮುದಾಯಗಳ ನಡುವಣ ಪರಸ್ಪರ ದ್ವೇಷ ಆಸೂಯೆ ಕೊನೆಗೊಳಿಸುವ ಮಾರ್ಗೋಪಾಯಗಳ ಕುರಿತು ಚರ್ಚಿಸಿದ್ದಾರೆ.
ಎಲ್ಲಾ ಮತ ಧರ್ಮಗಳು ಸಮಾನವೆಂದು ಭಾಗತ್ ಮುಸಲ್ಮಾನ ನಾಯಕರೊಂದಿಗೆ ಮಾತುಕತೆ ಸಂದರ್ಭ ಸಾರಿದ್ದಾರೆ. ಈ ಮಾತುಕತೆಯನ್ನು ಆಯೋಜಿಸಿದ ಅಖಿಲ ಭಾರತ ಇಮಾಮ್ ಸಂಘಟನೆ (ಎಐಐಒ) ಮುಖ್ಯಸ್ಥ ಅಹಮದ್ ಇಲ್ಯಾಸಿ ಈ ಮಾಹಿತಿ ನೀಡಿದ್ದಾರೆ. ದಿಲ್ಲಿಯ ಹರ್ಯಾಣ ಭವನದಲ್ಲಿ ಮೂರು ತಾಸು ಕಾಲ ನಡೆದ ಮಾತುಕತೆ ವೇಳೆ ದ್ವೇಷಾಸೂಯೆ ಕೊನೆಗಾಣಿಸಿ, ಪರಸ್ಪರ ಕೋಮು ಸೌಹಾರ್ದವನ್ನು ಎತ್ತಿಹಿಡಿವ ಮಾರ್ಗೋಪಾಯಗಳ ಬಗ್ಗೆ ಚರ್ಚಿಸಲಾಯಿತು. ಇದೊಂದು ವಿಶಿಷ್ಟ ಉಪಕ್ರಮ ಮತ್ತು ಮುಂದಿನ ದಿನಗಳಲ್ಲಿ ಇಂತಹ ಹಲವು ಸಭೆ-ಮಾತುಕತೆಗಳು ನಡೆವ ನಿರೀಕ್ಷೆಯಿದೆ ಎಂದು ಇಲ್ಯಾಸಿ ತಿಳಿಸಿದ್ದಾರೆ.
ಆರೆಸ್ಸೆಸ್ ತನ್ನ ನೂರನೇ ವರ್ಷವನ್ನು ಆಚರಿಸುತ್ತಿರುವ ವಿಶೇಷ ಸನ್ನಿವೇಶ ಮತ್ತು ಎಐಐಒ 50ನೇ ವರ್ಷಾಚರಿಸುತ್ತಿರುವ ಕ್ಷಣಗಳಲ್ಲೇ ,ಕೋಮು ಸೌಹಾರ್ದಕ್ಕಾಗಿ ಮಾತುಕತೆ-ಚರ್ಚೆ ನಡೆದದ್ದು ನಿಜಕ್ಕೂ ವಿಶಿಷ್ಟವೆಂದು ಇಲ್ಯಾಸಿ ಬಣ್ಣಿಸಿದ್ದಾರೆ. ಎಲ್ಲಾ ಮಸೀದಿಗಳ ಮುಖ್ಯಸ್ಥರು, ಮೌಲ್ವಿಗಳು ಮತ್ತು ದೇವಾಲಯಗಳ ಅರ್ಚಕರು ತಮ್ಮ ಸಮುದಾಯಗಳ ಜನರನ್ನು ಕರೆದು ಸೌಹಾರ್ದತೆ ಬಗ್ಗೆ ಮಾತುಕತೆ ನಡೆಸಬೇಕೆಂದು ತೀರ್ಮಾನಿಸಲಾಯಿತು.
ಬಿಎಂಟಿಸಿ ಬಸ್‌ನಲ್ಲೇ ಹೃದಯಾಘಾತ; 25 ವರ್ಷದ ಯುವಕ ಸಾವು
ಎಐ ಕನ್ನಡ ಕೃಷಿ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.