ನವೆಂಬರ್ ತಿಂಗಳು ಮುಗಿಯಲು ಕೇವಲ ಕೆಲವೇ ದಿನಗಳು (ನಾಲ್ಕು ದಿನಗಳು) ಮಾತ್ರ ಬಾಕಿ ಉಳಿದಿವೆ. ನವೆಂಬರ್ 30, 2025 ರಂದು ಬ್ಯಾಂಕ್ ಮತ್ತು ಹಣಕಾಸು ಸೇವೆಗಳಿಗೆ ಸಂಬಂಧಿಸಿದ ಹಲವು ಪ್ರಮುಖ ಕೆಲಸಗಳ ಗಡುವು ಮುಕ್ತಾಯಗೊಳ್ಳುತ್ತದೆ. ಈ ಕೆಳಗಿನ ಕೆಲಸಗಳನ್ನು ತಪ್ಪದೇ ಮಾಡಿ ಮುಗಿಸಿ, ಇಲ್ಲವಾದರೆ ನಿಮಗೆ ತೊಂದರೆ ಆಗಬಹುದು.
1.ಪಿಂಚಣಿದಾರರಿಗೆ ಎಚ್ಚರಿಕೆ: ಜೀವಿತ ಪ್ರಮಾಣಪತ್ರ ಸಲ್ಲಿಸಿ
ದೇಶಾದ್ಯಂತದ ಎಲ್ಲಾ ಪಿಂಚಣಿದಾರರು ತಮ್ಮ ಜೀವನ ಪ್ರಮಾಣಪತ್ರ (Life Certificate) ಅಥವಾ ಜೀವನ ಪ್ರಮಾಣವನ್ನು ಸಲ್ಲಿಸಬೇಕು.ನವೆಂಬರ್ 30, 2025, ಕೊನೆಯ ದಿನಾಂಕವಾಗಿದೆ,ಈ ಪ್ರಮಾಣಪತ್ರ ಸಲ್ಲಿಸಲು ವಿಫಲವಾದರೆ, ಡಿಸೆಂಬರ್ನಿಂದ ನಿಮ್ಮ ಪಿಂಚಣಿ ನಿಲ್ಲುತ್ತದೆ!ಮನೆ ಬಾಗಿಲಿನ ಬ್ಯಾಂಕಿಂಗ್, ಅಂಚೆ ಕಚೇರಿ ಅಥವಾ ಬ್ಯಾಂಕ್ ಶಾಖೆಗಳಲ್ಲಿ ಬಯೋಮೆಟ್ರಿಕ್ಸ್ ಮೂಲಕ ಇದನ್ನು ಸುಲಭವಾಗಿ ಸಲ್ಲಿಸಬಹುದು.
2.NPS ನಿಂದ UPS ಗೆ ವರ್ಗಾವಣೆ
ಕೇಂದ್ರ ಸರ್ಕಾರಿ ನೌಕರರ ಗಮನಕ್ಕೆ! ನಿಮ್ಮ ರಾಷ್ಟ್ರೀಯ ಪಿಂಚಣಿ ಯೋಜನೆ (NPS) ಖಾತೆಯನ್ನು ಹೊಸ ಏಕೀಕೃತ ಪಿಂಚಣಿ ಯೋಜನೆ (UPS) ಗೆ ಪರಿವರ್ತನೆ ಮಾಡಲು ನವೆಂಬರ್ 30, 2025 ರವರೆಗೆ ಮಾತ್ರ ಸಮಯವಿದೆ.ಇದು ಕೊನೆಯ ಅವಕಾಶವಾಗಿರಬಹುದು!ನೌಕರರ ಬೇಡಿಕೆಯ ಮೇರೆಗೆ ಸರ್ಕಾರವು ಈ ಗಡುವನ್ನು ಪದೇ ಪದೇ ವಿಸ್ತರಿಸಿದೆ (ಮೊದಲು ಜೂನ್ 30, ನಂತರ ಸೆಪ್ಟೆಂಬರ್ 30). ಈಗ ನವೆಂಬರ್ 30ಕ್ಕೆ ಗಡುವು ಮುಕ್ತಾಯವಾಗುತ್ತಿದೆ.ಹೊಸ UPS ಯೋಜನೆಯು ಹಳೆಯ NPS ಗಿಂತ ಹೆಚ್ಚು ಸುರಕ್ಷಿತ ಪಿಂಚಣಿ ಮತ್ತು ಉತ್ತಮ ತೆರಿಗೆ ಉಳಿತಾಯ ಪ್ರಯೋಜನಗಳನ್ನು ನೀಡುತ್ತಿದೆ.
3.PNB ಗ್ರಾಹಕರಿಗೆ: KYC ಅಪ್ಡೇಟ್ ಕಡ್ಡಾಯ!
ಪಂಜಾಬ್ ನ್ಯಾಷನಲ್ ಬ್ಯಾಂಕ್ (PNB) ಗ್ರಾಹಕರು ಬಾಕಿ ಇರುವ ತಮ್ಮ ಖಾತೆಗಳಿಗೆ KYC (Know Your Customer) ಅನ್ನು ಕಡ್ಡಾಯವಾಗಿ ನವೀಕರಿಸಬೇಕು.ಗಡುವು ನವೆಂಬರ್ 30, 2025.KYC ನವೀಕರಿಸಲು ವಿಫಲರಾದ ಗ್ರಾಹಕರು ತಮ್ಮ ಖಾತೆಗಳಲ್ಲಿ ಹಣಕಾಸು ವಹಿವಾಟು ನಡೆಸಲು ಸಾಧ್ಯವಾಗುವುದಿಲ್ಲ.ಬ್ಯಾಂಕ್ ಶಾಖೆಗೆ ಭೇಟಿ ನೀಡುವ ಮೂಲಕ ಅಥವಾ ಆನ್ಲೈನ್ನಲ್ಲಿ (ಅಪ್ಲಿಕೇಶನ್, ಇಂಟರ್ನೆಟ್ ಬ್ಯಾಂಕಿಂಗ್, ಇಮೇಲ್, ವಾಟ್ಸಾಪ್) ಸುಲಭವಾಗಿ ನವೀಕರಿಸಬಹುದು.
4.ತೆರಿಗೆದಾರರಿಗೆ: ಫಾರ್ಮ್ಗಳ ಸಲ್ಲಿಕೆ ಕಡ್ಡಾಯ
ಹಲವು ಪ್ರಮುಖ ತೆರಿಗೆ-ಸಂಬಂಧಿತ ಫಾರ್ಮ್ಗಳನ್ನು ಕಡ್ಡಾಯವಾಗಿ ಸಲ್ಲಿಸಬೇಕು.ಅಕ್ಟೋಬರ್ 2025 ರ ಟಿಡಿಎಸ್ ಚಲನ್-ಕಮ್-ಸ್ಟೇಟ್ಮೆಂಟ್ ಮತ್ತು ಅಂತರರಾಷ್ಟ್ರೀಯ ಅಥವಾ ನಿರ್ದಿಷ್ಟ ದೇಶೀಯ ಹಣಕಾಸು ವಹಿವಾಟುಗಳನ್ನು ವರದಿ ಮಾಡಬೇಕಾದ ತೆರಿಗೆದಾರರು ನವೆಂಬರ್ 30 ರೊಳಗೆ ತಮ್ಮ ಆದಾಯ ತೆರಿಗೆ ರಿಟರ್ನ್ಸ್ ಅನ್ನು ಸಹ ಸಲ್ಲಿಸಬೇಕು
ಬೆಲ್ಲ vs ಸಕ್ಕರೆ: ನಿಮ್ಮ ದೇಹಕ್ಕೆ ಹೆಚ್ಚು ಪ್ರಯೋಜನಕಾರಿ ಯಾವುದು?
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.