ಗೂಗಲ್ ಪೇ: ಒಂದೇ ಪ್ರೊಫೈಲ್‌ಗೆ 2 ಅಥವಾ ಹೆಚ್ಚಿನ ಬ್ಯಾಂಕ್ ಖಾತೆಗಳನ್ನು ಸೇರಿಸುವುದು ಹೇಗೆ?

‘ಡಿಜಿಟಲ್ ಇಂಡಿಯಾ’ದ ಆರಂಭದ ನಂತರ ದೇಶದಲ್ಲಿ ಯುಪಿಐ (UPI) ಆಧಾರಿತ ವ್ಯಾಲೆಟ್ ಮತ್ತು ಪಾವತಿ ಸೇವೆಗಳು ಭಾರಿ ಜನಪ್ರಿಯತೆ ಗಳಿಸಿವೆ. ದೊಡ್ಡ ಮಳಿಗೆಗಳಿಂದ ಹಿಡಿದು ರಸ್ತೆಬದಿಯ ಸಣ್ಣಪುಟ್ಟ ಅಂಗಡಿಗಳವರೆಗೆ ಎಲ್ಲರೂ ಈಗ ಡಿಜಿಟಲ್ ಪಾವತಿಯನ್ನು ಅವಲಂಬಿಸಿದ್ದಾರೆ. ಯಾವುದೇ ಪಾವತಿ ಆ್ಯಪ್‌ನಲ್ಲಿ ನಿಮ್ಮ ಬ್ಯಾಂಕ್ ಖಾತೆಯನ್ನು ಲಿಂಕ್ ಮಾಡಿ, ಯುಪಿಐ ಮೂಲಕ ಸುಲಭವಾಗಿ ಪಾವತಿ ಮಾಡಬಹುದು.

ಒಂದು ವೇಳೆ ನೀವು ಒಂದಕ್ಕಿಂತ ಹೆಚ್ಚು ಬ್ಯಾಂಕ್ ಖಾತೆಗಳನ್ನು ಹೊಂದಿದ್ದರೆ, ಚಿಂತಿಸಬೇಕಿಲ್ಲ! ಭಾರತದಲ್ಲಿ ಹೆಚ್ಚು ಬಳಕೆಯಲ್ಲಿರುವ Google Pay (GPay) ನಿಮಗೆ ಅದೇ ಪ್ರೊಫೈಲ್ ಅಡಿಯಲ್ಲಿ ಬಹು ಖಾತೆಗಳನ್ನು ಲಿಂಕ್ ಮಾಡುವ ಅತ್ಯುತ್ತಮ ಸೌಲಭ್ಯವನ್ನು ಒದಗಿಸುತ್ತದೆ. ಇದರಿಂದ ವಹಿವಾಟುಗಳನ್ನು ನಿರ್ವಹಿಸುವುದು ಮತ್ತಷ್ಟು ಸುಲಭವಾಗುತ್ತದೆ.

ದರ ಜೊತೆಗೆ, ವೈಯಕ್ತಿಕ ಮತ್ತು ಕೌಟುಂಬಿಕ ಖರ್ಚುಗಳಿಗೆ ಪ್ರತ್ಯೇಕ ಖಾತೆಗಳನ್ನು ಬಳಸುವವರಿಗೆ ಸಹಾಯಕವಾಗುವಂತೆ, ಆ್ಯಪ್‌ಗೆ ಬಹು ಬ್ಯಾಂಕ್ ಖಾತೆಗಳನ್ನು ಸೇರಿಸಲು ಸಹ ಇದು ಅನುಮತಿ ನೀಡುತ್ತದೆ.

ಬಹು ಖಾತೆಗಳನ್ನು ಸೇರಿಸುವುದರ ಪ್ರಯೋಜನಗಳು

ಒಂದು Google Pay ಖಾತೆಗೆ ಒಂದಕ್ಕಿಂತ ಹೆಚ್ಚು ಬ್ಯಾಂಕ್ ಖಾತೆಗಳನ್ನು ಸೇರಿಸುವುದರಿಂದ ಹಲವು ಪ್ರಯೋಜನಗಳಿವೆ:

ವಹಿವಾಟು ನಿರ್ವಹಣೆ: ವೈಯಕ್ತಿಕ ಮತ್ತು ವೃತ್ತಿಪರ ವಹಿವಾಟುಗಳನ್ನು ಪ್ರತ್ಯೇಕವಾಗಿ ನಿರ್ವಹಿಸಲು ಸಹಾಯ ಮಾಡುತ್ತದೆ.

ಹಣ ಸಂದಾಯದಲ್ಲಿ ನಮ್ಯತೆ: ಹಣ ಪಾವತಿಸಲು ಯಾವ ಖಾತೆಯನ್ನು ಬಳಸಬೇಕು ಎಂದು ಆಯ್ಕೆ ಮಾಡುವ ಸ್ವಾತಂತ್ರ್ಯ ನೀಡುತ್ತದೆ.

ಅನಿಶ್ಚಿತತೆಯಲ್ಲಿ ವಹಿವಾಟು: ಬ್ಯಾಂಕ್ ಸರ್ವರ್ ಸಮಸ್ಯೆಗಳು ಅಥವಾ UPI ಮಿತಿ ಮೀರುವ ಸಂದರ್ಭಗಳಲ್ಲಿಯೂ ವಹಿವಾಟುಗಳನ್ನು ಮುಂದುವರಿಸಲು ಅನುವು ಮಾಡಿಕೊಡುತ್ತದೆ.

Google Pay ಗೆ ಬಹು ಬ್ಯಾಂಕ್ ಖಾತೆಗಳನ್ನು ಸೇರಿಸುವ ವಿಧಾನ
ಡಿಜಿಟಲ್ ಪಾವತಿಗಳನ್ನು ಸರಳೀಕರಿಸಲು, Google Pay ಗೆ ಬಹು ಖಾತೆಗಳನ್ನು ಲಿಂಕ್ ಮಾಡಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿ:

ನಿಮ್ಮ Android ಅಥವಾ iOS ಸಾಧನದಲ್ಲಿ Google Pay ಆ್ಯಪ್ ತೆರೆಯಿರಿ.

ಮೇಲಿನ ಬಲ ಮೂಲೆಯಲ್ಲಿರುವ ನಿಮ್ಮ ಪ್ರೊಫೈಲ್ ಐಕಾನ್ ಮೇಲೆ ಟ್ಯಾಪ್ ಮಾಡಿ.

‘ಬ್ಯಾಂಕ್ ಖಾತೆ’ (Bank account) ಆಯ್ಕೆಮಾಡಿ.

‘ಬ್ಯಾಂಕ್ ಖಾತೆ ಸೇರಿಸಿ’ (Add bank account) ಮೇಲೆ ಟ್ಯಾಪ್ ಮಾಡಿ.

ಪಟ್ಟಿ ಮಾಡಲಾದ ಬ್ಯಾಂಕ್‌ಗಳಿಂದ ನಿಮ್ಮ ಬ್ಯಾಂಕ್ ಅನ್ನು ಆಯ್ಕೆ ಮಾಡಿ.

ಖಾತೆಗಳ ಪಟ್ಟಿಯಿಂದ ನೀವು ಸೇರಿಸಲು ಬಯಸುವ ಖಾತೆಯನ್ನು ಆಯ್ಕೆಮಾಡಿ.

SMS ಮೂಲಕ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಪರಿಶೀಲಿಸಿ (Verify).

ಪ್ರಾಥಮಿಕ (Default) ಖಾತೆಯನ್ನು ಹೊಂದಿಸುವುದು ಹೇಗೆ?
ಹಣ ಕಳುಹಿಸಲು ನಿಮ್ಮ ಪ್ರಾಥಮಿಕ ಖಾತೆಯನ್ನು ಹೊಂದಿಸಲು ಅಥವಾ ಬದಲಾಯಿಸಲು ಈ ಹಂತಗಳನ್ನು ಅನುಸರಿಸಿ:

Google Pay ಆ್ಯಪ್‌ನಲ್ಲಿ ಪ್ರೊಫೈಲ್ ಚಿತ್ರದ ಮೇಲೆ ಕ್ಲಿಕ್ ಮಾಡಿ.

ಬ್ಯಾಂಕ್ ಖಾತೆ ಆಯ್ಕೆಮಾಡಿ.

ನೀವು ಪ್ರಾಥಮಿಕ ಖಾತೆಯನ್ನಾಗಿ ಮಾಡಲು ಬಯಸುವ ಖಾತೆಯ ಮೇಲೆ ಟ್ಯಾಪ್ ಮಾಡಿ.

ಕೆಳಭಾಗದಲ್ಲಿ, ‘ಪ್ರಾಥಮಿಕ ಖಾತೆಯನ್ನಾಗಿ ಹೊಂದಿಸಿ’ (Set as the primary account) ಮೇಲೆ ಟ್ಯಾಪ್ ಮಾಡಿ.

ಈಗ, ನೀವು ಹಣ ಕಳುಹಿಸುವಾಗ ಆಯ್ಕೆಮಾಡಿದ ಖಾತೆಯನ್ನು ಡಿಫಾಲ್ಟ್ ಆಗಿ ಬಳಸಲಾಗುತ್ತದೆ. ಎಲ್ಲಾ ಲಿಂಕ್ ಮಾಡಲಾದ ಖಾತೆಗಳಲ್ಲಿ ಹಣವನ್ನು ಸ್ವೀಕರಿಸಬಹುದು.

ಬ್ರೇಕ್‌ಫಾಸ್ಟ್ ಸ್ಕಿಪ್ ಮಾಡಿದರೆ ನಿಮ್ಮ ಆರೋಗ್ಯಕ್ಕೆ ಏನೆಲ್ಲಾ ಅಪಾಯ ಕಾದಿದೆ ಗೊತ್ತಾ?