ಬೆಂಗಳೂರು: ನೀವು ಸುರಕ್ಷಿತವಾಗಿ ಹೂಡಿಕೆ ಮಾಡಿ ಕೋಟ್ಯಾಧಿಪತಿಯಾಗುವ ಕನಸು ಕಾಣುತ್ತಿದ್ದೀರಾ? ಹಾಗಿದ್ದರೆ ಅಂಚೆ ಇಲಾಖೆಯ ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ (PPF) ನಿಮಗಾಗಿ ಇರುವ ಬೆಸ್ಟ್ ಆಯ್ಕೆ. ಕೇಂದ್ರ ಸರ್ಕಾರದ ಗ್ಯಾರಂಟಿ ಇರುವ ಈ ಯೋಜನೆಯಲ್ಲಿ ಯಾವುದೇ ರಿಸ್ಕ್ ಇಲ್ಲದೆ ನೀವು ಲಕ್ಷಾಂತರ ರೂಪಾಯಿ ಹಣವನ್ನು ಕೂಡಿಡಬಹುದು.
ಪಿಪಿಎಫ್ (PPF) ವಿಶೇಷತೆಗಳೇನು?
ಇದು ಕೇಂದ್ರ ಸರ್ಕಾರದ ಸಣ್ಣ ಉಳಿತಾಯ ಯೋಜನೆಯಾಗಿದ್ದು, ನಿಮ್ಮ ಹಣಕ್ಕೆ ಪೂರ್ಣ ಸುರಕ್ಷತೆ ಇರುತ್ತದೆ.
ಸದ್ಯ ಈ ಯೋಜನೆಯ ಮೇಲೆ ಶೇ. 7.1 ರಷ್ಟು ವಾರ್ಷಿಕ ಬಡ್ಡಿ ನೀಡಲಾಗುತ್ತಿದೆ. ಇದು ಹಲವು ಬ್ಯಾಂಕ್ ಎಫ್ಡಿಗಳಿಗಿಂತ ಉತ್ತಮವಾಗಿದೆ.
ಈ ಯೋಜನೆಯಲ್ಲಿ ಹೂಡಿಕೆ ಮಾಡುವ ಹಣ, ಗಳಿಸುವ ಬಡ್ಡಿ ಮತ್ತು ಮೆಚ್ಯೂರಿಟಿ ಸಮಯದಲ್ಲಿ ಸಿಗುವ ಮೊತ್ತ.. ಈ ಮೂರಕ್ಕೂ ಯಾವುದೇ ತೆರಿಗೆ ಇರುವುದಿಲ್ಲ (Tax-Free)!
₹40 ಲಕ್ಷದ ಲೆಕ್ಕಾಚಾರ ಹೀಗಿದೆ ನೋಡಿ:
ನೀವು ಪ್ರತಿ ತಿಂಗಳು ಉಳಿತಾಯ ಮಾಡುವ ಮನಸ್ಸು ಮಾಡಿದರೆ, 15 ವರ್ಷಗಳ ನಂತರ ನಿಮ್ಮ ಕೈ ಸೇರುವ ಮೊತ್ತ ದೊಡ್ಡದಾಗಿರುತ್ತದೆ:
ಮಾಸಿಕ ಹೂಡಿಕೆ: ₹12,500
ವಾರ್ಷಿಕ ಹೂಡಿಕೆ: ₹1.50 ಲಕ್ಷ (ಗರಿಷ್ಠ ಮಿತಿ)
15 ವರ್ಷಗಳ ಒಟ್ಟು ಹೂಡಿಕೆ: ₹22.50 ಲಕ್ಷ
ಸಿಗುವ ಬಡ್ಡಿ: ಸುಮಾರು ₹18.18 ಲಕ್ಷ
ಒಟ್ಟು ಸಿಗುವ ಮೊತ್ತ: ₹40,68,209
ಅಂಚೆ ಇಲಾಖೆಯ ಈ ಯೋಜನೆಯು ದೀರ್ಘಕಾಲದ ಉಳಿತಾಯಕ್ಕೆ ಪೂರಕವಾಗಿದ್ದು, ಇದರ ಲಾಕ್-ಇನ್ ಅವಧಿಯು 15 ವರ್ಷಗಳಾಗಿವೆ. ಅಂದರೆ, ಹೂಡಿಕೆದಾರರು ಶಿಸ್ತುಬದ್ಧವಾಗಿ ಹಣ ಉಳಿಸಲು ಇದು ಅತ್ಯುತ್ತಮ ವೇದಿಕೆ. ಈ ಯೋಜನೆಯ ಮತ್ತೊಂದು ವಿಶೇಷವೆಂದರೆ ಇದರ ಸರಳತೆ ವರ್ಷಕ್ಕೆ ಕೇವಲ ₹500 ಹೂಡಿಕೆ ಮಾಡುವ ಮೂಲಕ ಯಾರಾದರೂ ಸುಲಭವಾಗಿ ಈ ಖಾತೆಯನ್ನು ಆರಂಭಿಸಬಹುದು. ಇನ್ನು, 15 ವರ್ಷಗಳ ಮೆಚ್ಯೂರಿಟಿ ಅವಧಿ ಮುಗಿದ ನಂತರವೂ ನಿಮಗೆ ತಕ್ಷಣವೇ ಹಣದ ಅವಶ್ಯಕತೆ ಇಲ್ಲದಿದ್ದರೆ, ಯೋಜನೆಯನ್ನು ಕೈಬಿಡಬೇಕಿಲ್ಲ. ಬದಲಾಗಿ, ಪ್ರತಿ 5 ವರ್ಷಗಳ ಅವಧಿಗೆ ಖಾತೆಯನ್ನು ವಿಸ್ತರಿಸುತ್ತಾ ಹೋಗುವ ಮೂಲಕ ದೀರ್ಘಕಾಲದವರೆಗೆ ಹೆಚ್ಚಿನ ಬಡ್ಡಿ ಲಾಭವನ್ನು ಪಡೆಯುವ ಸೌಲಭ್ಯವನ್ನೂ ಇದು ಒದಗಿಸುತ್ತದೆ.
ನಮ್ಮ ದೇಶದ ‘ಮಿನಿ’ ರೈಲು: ಇದು ಓಡುವುದು ಕೇವಲ 9 ಕಿಲೋಮೀಟರ್ ಮಾತ್ರ!
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.