ಚಾಮರಾಜನಗರ: ಜಿಲ್ಲೆಯ ಕೊಳ್ಳೇಗಾಲ ( Kollegala ) ತಾಲೂಕಿನ ಸಮೀಪದಲ್ಲೇ ಇರುವ ಸುವರ್ಣಾವತಿ ನದಿ ತೀರದಲ್ಲಿ ಮರಳಿನಿಂದಾಚೆ ಶವದ ಕೈ ಆಚೆ ಬಂದಿತ್ತು. ಬಳಿಕ ತಾಲೂಕಿನ ಬಸ್ತೀಪುರ ಗ್ರಾಮದಲ್ಲಿ ವಾಸವಿದ್ದ 29 ವರ್ಷದ ಸೋನಾಕ್ಷಿ ಎಂಬ ಮಹಿಳೆ ಒಂದು ವಾರದಿಂದ ಕಾಣಿಸುತ್ತಿಲ್ಲ ಎಂಬ ವಿಷಯವನ್ನಾಧರಿಸಿ ಸೋನಾಕ್ಷಿ ತಾಯಿಗೆ ಶವದ ಮೈ ಮೇಲಿದ್ದ ಚಿನ್ನಾಭರಣವನ್ನು ತೋರಿಸಿದಾಗ ಅದು ಸೋನಾಕ್ಷಿಯದ್ದೇ ಎಂದು ಗುರುತಿಸಿದರು.
ಬಳಿಕ ಸಿಮ್ಸ್‌ ಆಸ್ಪತ್ರೆಯಲ್ಲಿದ್ದ ಮಗಳ ಶವವನ್ನೂ ಸಹ ತಾಯಿ ಗುರುತಿಸಿದ ಬಳಿಕ ಕೊಲೆ ಹಾಗೂ ಸಾಕ್ಷ್ಯನಾಶ ಪ್ರಕರಣವನ್ನು ದಾಖಲಿಸಿಕೊಂಡು ತನಿಖೆ ಆರಂಭಿಸಿದರು. ಇನ್ನು ಹೆಣ ಸಿಕ್ಕ ಜಾಗದಲ್ಲಿ ಸುತ್ತ ಪೂಜೆ ನಡೆದ ಅವಶೇಷಗಳಿದ್ದ ಕಾರಣ ಮಾಟ – ಮಂತ್ರದ ಅನುಮಾನಗಳೂ ಸಹ ಹುಟ್ಟಿಕೊಂಡಿದ್ದವು.
ಕೊಳ್ಳೇಗಾಲದ ಮೋಳೆ ಗ್ರಾಮದ ವಿಜಯ್‌ಕುಮಾರ್‌ ಎಂಬಾತನನ್ನು ವಿವಾಹವಾಗಿದ್ದ ಸೋನಾಕ್ಷಿ ತನ್ನ ಪತಿ ಹಾಗೂ ತಾಯಿಯ ಜೊತೆ ಜಗಳ ಮಾಡಿಕೊಂಡು ಫೆಬ್ರವರಿಯಲ್ಲಿ ಪತಿ ಮನೆ ತೊರೆದಿದ್ದಳು. ಈ ಕುರಿತು ಪತಿ ದೂರನ್ನೂ ಸಹ ದಾಖಲಿಸಿದ್ದರು. ಜೂನ್‌ 12ರಂದು ಸೋನಾಕ್ಷಿಯನ್ನು ಪತ್ತೆ ಹಚ್ಚಿದ ಪೊಲೀಸರು ಆಕೆಯನ್ನು ಪತಿ ಹಾಗೂ ತಾಯಿಗೆ ಹಸ್ತಾಂತರಿಸಿ ಕೇಸ್‌ ಕ್ಲೋಸ್‌ ಮಾಡಿದ್ದರು.
ಆದರೆ ಠಾಣೆಯಿಂದ ಹೊರಬಂದ ಸೋನಾಕ್ಷಿ ತಾಯಿ ಹಾಗೂ ಪತಿ ಜತೆ ಹೋಗದೇ ಪತಿಯ ಊರು ಮೋಳೆಗೆ ಹೋಗದೇ ಬಸ್ತೀಪುರಕ್ಕೆ ಹೋಗಿ ಪ್ರತ್ಯೇಕವಾಗಿ ವಾಸಿಸತೊಡಗಿದ್ದಳು. ಸೋನಾಕ್ಷಿ ಕಾಣೆಯಾಗಿದ್ದ ಸಂದರ್ಭದಲ್ಲಿ ಪೊಲೀಸರು ಆಕೆಯನ್ನು ಪತ್ತೆ ಹಚ್ಚಲು ಕಾಲ್‌ ರೆಕಾರ್ಡಿಂಗ್‌ ಸಹಾಯ ಪಡೆದಿದ್ದ ಪೊಲೀಸರಿಗೆ ಆಕೆ ಮಾದೇಶ ಎಂಬಾತನ ಜೊತೆ ಹೆಚ್ಚು ಮಾತನಾಡಿದ್ದು ಕಂಡುಬಂದಿತ್ತು. ಆತನ ಸಹಾಯವನ್ನೇ ಪಡೆದು ಟಿ ನರಸೀಪುರದಲ್ಲಿ ವಾಸವಿದ್ದದ್ದನ್ನು ಪತ್ತೆ ಹಚ್ಚಿದ್ದರು.
ಹೀಗಾಗಿ ಈಗ ಮಾದೇಶನನ್ನು ವಿಚಾರಣೆ ನಡೆಸಿದಾಗ ಆತನೇ ಸೋನಾಕ್ಷಿಯನ್ನು ಕೊಲೆ ಮಾಡಿದ್ದಾಗಿ ಒಪ್ಪಿಕೊಂಡಿದ್ದಾನೆ. ಸೋನಾಕ್ಷಿಗೆ ಆಕೆಯ ಪತಿ ಹಾಗೂ ತಾಯಿಯ ಜತೆ ಜೀವಿಸುವುದು ಇಷ್ಟವಿರಲಿಲ್ಲ. ಹೀಗಾಗಿ ಆಕೆ ದೂರ ಹೋಗಿದ್ದಳು. ಆದರೆ ಮಾದೇಶ ಆಕೆಯನ್ನು ಪತ್ತೆ ಹಚ್ಚಲು ಸಹಾಯ ಮಾಡಿದ ಕಾರಣಕ್ಕೆ ಸೋನಾಕ್ಷಿ ಜಗಳವಾಡಿದ್ದಳು. ಈ ಸಂದರ್ಭದಲ್ಲಿ ಮಾದೇಶ ತಳ್ಳಿದ ರಭಸಕ್ಕೆ ತಲೆ ಗೋಡೆಗೆ ಡಿಕ್ಕಿಯಾಗಿ ಸೋನಾಕ್ಷಿ ಸಾವನ್ನಪ್ಪಿದ್ದಾಳೆ ಎಂಬುದು ಈ ತನಿಖೆವರೆಗೆ ತಿಳಿದುಬಂದಿದೆ ಎನ್ನುತ್ತಾರೆ ಪೊಲೀಸರು. ಹಾಗೂ ಇಲ್ಲಿನ ಜನರು ನದಿ ತೀರದಲ್ಲಿ ಪೂಜೆ ಮಾಡುವುದು ಸಾಮಾನ್ಯ. ಆ ಪೂಜೆಗೂ ಈ ಪ್ರಕರಣಕ್ಕೂ ಯಾವುದೇ ಸಂಬಂಧವಿಲ್ಲ ಎಂದೂ ಸಹ ಪೊಲೀಸರು ಸ್ಪಷ್ಟನೆ ನೀಡಿದ್ದಾರೆ.
ಕೃಷಿ ಎಐ ಕನ್ನಡ ವೆಬ್‌ಸೈಟ್‌ಗೆ ಇಲ್ಲಿ ಕ್ಲಿಕ್‌ ಮಾಡಿ
ವಸತಿ ಇಲಾಖೆ ಅಕ್ರಮ ವಿಚಾರ: ಸಿಎಂ ಸಿದ್ದುಗೆ ಬಹಿರಂಗ ಸವಾಲು ಹಾಕಿದ ಆರ್‌ ಆಶೋಕ್‌; R Ashok
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.