ಲಿಯೋನೆಲ್ ಮೆಸ್ಸಿ ಇತ್ತೀಚೆಗಷ್ಟೇ ಭಾರತದಲ್ಲಿ ತಮ್ಮ ಚೊಚ್ಚಲ ‘GOAT ಟೂರ್’ ಅನ್ನು ಪೂರ್ಣಗೊಳಿಸಿದರು. ಈ ಪ್ರವಾಸದ ಭಾಗವಾಗಿ ಅವರು ಕೋಲ್ಕತ್ತಾ, ಹೈದರಾಬಾದ್, ಮುಂಬೈ ಮತ್ತು ನವದೆಹಲಿ ಸೇರಿದಂತೆ ನಾಲ್ಕು ಪ್ರಮುಖ ನಗರಗಳಿಗೆ ಭೇಟಿ ನೀಡಿದ್ದರು.ಅರ್ಜೆಂಟೀನಾದ ಫುಟ್ಬಾಲ್ ದಂತಕಥೆ ಲಿಯೋನೆಲ್ ಮೆಸ್ಸಿ ಅವರು ಅನಂತ್ ಅಂಬಾನಿ ಸ್ಥಾಪಿಸಿದ ‘ವಂಟಾರಾ’ ವನ್ಯಜೀವಿ ಕೇಂದ್ರಕ್ಕೆ ಭೇಟಿ ನೀಡಿದಾಗ, ಅವರಿಗೆ ಅಂಬಾನಿ ಕಡೆಯಿಂದ ಅಚ್ಚರಿಯ ಉಡುಗೊರೆ ಕಾದಿತ್ತು.
ಅನಂತ್ ಅಂಬಾನಿ ಅವರು ಮೆಸ್ಸಿಗೆ 10.91 ಕೋಟಿ ರೂ. ಮೌಲ್ಯದ ಅತ್ಯಂತ ಅಪರೂಪದ ‘ರಿಚರ್ಡ್ ಮಿಲ್ಲೆ RM 003-V2 GMT ಟೂರ್ಬಿಲ್ಲನ್ ಏಷ್ಯಾ ಎಡಿಷನ್’ ಗಡಿಯಾರವನ್ನು ನೀಡಿದ್ದಾರೆ,ಈ ಗಡಿಯಾರದ ಬೆಲೆ ಭಾರತದಲ್ಲಿ ರೋಲ್ಸ್ ರಾಯ್ಸ್ ಫ್ಯಾಂಟಮ್ (ಸುಮಾರು 8.99 ಕೋಟಿ ರೂ.ನಿಂದ ಆರಂಭ) ಕಾರಿನ ಬೆಲೆಗಿಂತಲೂ ಹೆಚ್ಚಾಗಿದೆ,ಈ ಮಾಡೆಲ್ನ ಕೇವಲ 12 ಗಡಿಯಾರಗಳು ಮಾತ್ರ ಜಗತ್ತಿನಾದ್ಯಂತ ತಯಾರಾಗಿವೆ. ಗಡಿಯಾರವಿಲ್ಲದೆ ಬಂದಿದ್ದ ಮೆಸ್ಸಿ, ನಂತರ ಈ ಐಷಾರಾಮಿ ಗಡಿಯಾರ ಧರಿಸಿ ಕಾಣಿಸಿಕೊಂಡರು, ಜಗತ್ತಿನ ಈ ಅತ್ಯಂತ ಅಪರೂಪದ ಗಡಿಯಾರವನ್ನು ಮೆಸ್ಸಿ ಹೊರತುಪಡಿಸಿ ಕೆಲವೇ ಕೆಲವು ಗಣ್ಯರು ಹೊಂದಿದ್ದಾರೆ
ಏನಿದು ರಿಚರ್ಡ್ ಮಿಲ್ಲೆ RM 003-V2 ಗಡಿಯಾರದ ವಿಶೇಷತೆ?
ಜಾಗತಿಕವಾಗಿ ಅಪರೂಪ: ಈ ಮಾದರಿಯು ಜಗತ್ತಿನಾದ್ಯಂತ ಕೇವಲ 12 ಸಂಖ್ಯೆಗಳಲ್ಲಿ ಮಾತ್ರ ಉತ್ಪಾದನೆಯಾಗಿದೆ. ಇದು ರಿಚರ್ಡ್ ಮಿಲ್ಲೆ ಬ್ರ್ಯಾಂಡ್ನ ಅತ್ಯಂತ ವಿಶೇಷ ಆವೃತ್ತಿಗಳಲ್ಲಿ ಒಂದಾಗಿದೆ.
ತಾಂತ್ರಿಕ ವೈಶಿಷ್ಟ್ಯ: ಈ ಗಡಿಯಾರವು ಹಸ್ತಚಾಲಿತ ವಿಂಡಿಂಗ್ ಟೂರ್ಬಿಲ್ಲನ್ ಮೂವ್ಮೆಂಟ್ ಹೊಂದಿದ್ದು, ಗಂಟೆ, ನಿಮಿಷ ಮತ್ತು ಎರಡು ಸಮಯ ವಲಯಗಳನ್ನು (dual time-zone) ತೋರಿಸುತ್ತದೆ.
ವಿನ್ಯಾಸ: ಇದರ 38mm ಕೇಸ್ ಅನ್ನು ‘ಕಾರ್ಬನ್ TPT’ ಎಂಬ ಅತ್ಯಾಧುನಿಕ ವಸ್ತುವಿನಿಂದ ತಯಾರಿಸಲಾಗಿದೆ. ಇದನ್ನು ಸಾಮಾನ್ಯವಾಗಿ ಏರೋಸ್ಪೇಸ್ ಮತ್ತು ಫಾರ್ಮುಲಾ 1 ರೇಸಿಂಗ್ಗಳಲ್ಲಿ ಬಳಸಲಾಗುತ್ತದೆ.
ಡಿಸ್ಪ್ಲೇ: ಇದು ಅಸ್ಥಿಪಂಜರ ಡಯಲ್ (Skeleton dial) ಮತ್ತು ಟೈಟಾನಿಯಂ ಬೇಸ್ಪ್ಲೇಟ್ ಹೊಂದಿದೆ. ಇದರಲ್ಲಿರುವ ಸಫೈರ್ ಡಿಸ್ಕ್ ವಿಶೇಷ ಪರಿಣಾಮವನ್ನು ನೀಡುತ್ತದೆ.
ಮೆಸ್ಸಿ ಅವರ ಗೌರವಾರ್ಥವಾಗಿ ಅನಂತ್ ಮತ್ತು ರಾಧಿಕಾ ಅಂಬಾನಿ ದಂಪತಿ ಅಲ್ಲಿನ ಒಂದು ಸಿಂಹದ ಮರಿಗೆ ‘ಲಿಯೋನೆಲ್’ ಎಂದು ಹೆಸರಿಟ್ಟರು.ವಂಟಾರಾದಲ್ಲಿ ಪ್ರಾಣಿಗಳ ರಕ್ಷಣೆ ಮತ್ತು ಪುನರ್ವಸತಿ ಕಾರ್ಯಗಳನ್ನು ಕಂಡು ಮೆಸ್ಸಿ ಅವರು, “ಇದು ನಿಜಕ್ಕೂ ಸುಂದರವಾಗಿದೆ” ಎಂದು ಮನಸಾರೆ ಶ್ಲಾಘಿಸಿದರು
15 ವರ್ಷ ಮೀರಿದ ವಾಹನಗಳ ಗುಜರಿಗೆ ಸಚಿವ ರಾಮಲಿಂಗಾರೆಡ್ಡಿ ಅನುಮೋದನೆ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.