ಇಂದಿನ ಧಾವಂತದ ಜೀವನಶೈಲಿ, ಕಳಪೆ ಆಹಾರ ಪದ್ಧತಿ ಹಾಗೂ ಒತ್ತಡದಿಂದಾಗಿ ಮಧುಮೇಹ, ಹೃದಯಾಘಾತದಂತಹ ಸಮಸ್ಯೆಗಳು ಸಣ್ಣ ವಯಸ್ಸಿನವರನ್ನೂ ಕಾಡುತ್ತಿವೆ. ಇಂತಹ ಸಮಯದಲ್ಲಿ ನಮ್ಮ ಆರೋಗ್ಯಕ್ಕೆ ರಕ್ಷಾಕವಚದಂತೆ ಕೆಲಸ ಮಾಡುವುದು ಪ್ರಕೃತಿ ನೀಡಿದ ವರ ‘ದಾಳಿಂಬೆ’.
ಆಯುರ್ವೇದದಲ್ಲಿ ಮಾತ್ರವಲ್ಲದೆ, ಆಧುನಿಕ ವಿಜ್ಞಾನದಲ್ಲೂ ದಾಳಿಂಬೆಯ ಅದ್ಭುತ ಪ್ರಯೋಜನಗಳು ಸಾಬೀತಾಗಿವೆ.ದಾಳಿಂಬೆ ಹಣ್ಣು ಆ್ಯಂಟಿ ಆಕ್ಸಿಡೆಂಟ್, ಆ್ಯಂಟಿ ವೈರಲ್ ಮತ್ತು ಆ್ಯಂಟಿ ಟ್ಯೂಮರ್ ಗುಣಲಕ್ಷಣಗಳನ್ನು ಹೊಂದಿದೆ. ಇದರಲ್ಲಿ ವಿಟಮಿನ್ ಎ, ವಿಟಮಿನ್ ಸಿ ಮತ್ತು ವಿಟಮಿನ್ ಇ ಮತ್ತು ಫೋಲಿಕ್ ಆಮ್ಲ ಕೂಡ ಇದೆ.
ದಾಳಿಂಬೆಯ 9 ಅದ್ಭುತ ಪ್ರಯೋಜನಗಳು:
1.ಹೃದಯಕ್ಕೆ ಭದ್ರತಾ ಕವಚ
ದಾಳಿಂಬೆಯಲ್ಲಿರುವ ಪಾಲಿಫಿನಾಲ್ಗಳು ರಕ್ತದೊತ್ತಡವನ್ನು (BP) ನಿಯಂತ್ರಣದಲ್ಲಿಡುತ್ತವೆ. ದಿನವೂ ದಾಳಿಂಬೆ ರಸ ಕುಡಿಯುವುದರಿಂದ ಸಿಸ್ಟೊಲಿಕ್ ರಕ್ತದೊತ್ತಡ ಕಡಿಮೆಯಾಗುತ್ತದೆ. ಇದು ಅಪಧಮನಿಗಳಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ (LDL) ಸಂಗ್ರಹವಾಗದಂತೆ ತಡೆಯುವ ಮೂಲಕ ಹೃದಯದ ಮೇಲಿನ ಒತ್ತಡವನ್ನು ತಗ್ಗಿಸಿ, ರಕ್ತ ಪರಿಚಲನೆಯನ್ನು ಸುಗಮಗೊಳಿಸುತ್ತದೆ.
2.ಮಾನಸಿಕ ಒತ್ತಡಕ್ಕೆ 21 ದಿನಗಳ ಮದ್ದು
ಸಂಶೋಧನೆಗಳ ಪ್ರಕಾರ, ಸತತ 21 ದಿನಗಳ ಕಾಲ ದಾಳಿಂಬೆ ಬೀಜಗಳನ್ನು ಸೇವಿಸಿದರೆ ಮಾನಸಿಕ ಒತ್ತಡ (Stress) ಗಣನೀಯವಾಗಿ ಕಡಿಮೆಯಾಗುತ್ತದೆ. ಇದರಲ್ಲಿರುವ ಉತ್ಕರ್ಷಣ ನಿರೋಧಕಗಳು ಹಾರ್ಮೋನುಗಳ ಸಮತೋಲನವನ್ನು ಸುಧಾರಿಸಿ, ಮನಸ್ಸಿಗೆ ಶಾಂತಿ ನೀಡುತ್ತವೆ ಮತ್ತು ತ್ವರಿತ ಶಕ್ತಿಯನ್ನು ಒದಗಿಸುತ್ತವೆ.
3.ಸದಾ ಯೌವ್ವನದಿಂದ ಕೂಡಿರಲು ಸಹಕಾರಿ
ನಿಮ್ಮ ಚರ್ಮ ಕಾಂತಿಯುತವಾಗಬೇಕೆ? ಹಾಗಾದರೆ ದಾಳಿಂಬೆ ಅತ್ಯುತ್ತಮ ಆಯ್ಕೆ. ಇದು ಸೂರ್ಯನ ಹಾನಿಕಾರಕ ಯುವಿ (UV) ಕಿರಣಗಳಿಂದ ಚರ್ಮವನ್ನು ರಕ್ಷಿಸುತ್ತದೆ. ಆಕ್ಸಿಡೇಟಿವ್ ಒತ್ತಡವನ್ನು ಕಡಿಮೆ ಮಾಡುವ ಮೂಲಕ ಸುಕ್ಕುಗಳನ್ನು ತಡೆದು, ಚರ್ಮವು ಯಾವಾಗಲೂ ತಾಜಾ ಮತ್ತು ಯೌವ್ವನದಂತೆ ಕಾಣುವಂತೆ ಮಾಡುತ್ತದೆ.
4.ಮೆದುಳಿನ ಚುರುಕುತನಕ್ಕೆ ಶಕ್ತಿ
ವಯಸ್ಸಾದಂತೆ ಕಾಡುವ ಮರೆಗುಳಿತನಕ್ಕೆ ದಾಳಿಂಬೆ ರಾಮಬಾಣ. ಇದು ಮೆದುಳಿನ ಕೋಶಗಳು ಹಾನಿಯಾಗದಂತೆ ರಕ್ಷಿಸಿ, ಸ್ಮರಣಶಕ್ತಿಯನ್ನು ಹೆಚ್ಚಿಸುತ್ತದೆ. ವಿದ್ಯಾರ್ಥಿಗಳು ಮತ್ತು ಮೆದುಳಿನ ಕೆಲಸ ಹೆಚ್ಚಿರುವವರಿಗೆ ಇದು ಅತ್ಯುತ್ತಮ ಆಹಾರ.
5.ಜೀರ್ಣಕ್ರಿಯೆ ಮತ್ತು ದಂತ ಆರೋಗ್ಯ
ಮಲಬದ್ಧತೆ ನಿವಾರಣೆ: ಇದರಲ್ಲಿರುವ ನಾರಿನಂಶ (Fiber) ಕರುಳಿನ ಚಲನೆಯನ್ನು ಸುಧಾರಿಸಿ ಮಲಬದ್ಧತೆಯನ್ನು ದೂರ ಮಾಡುತ್ತದೆ.ದಾಳಿಂಬೆ ಬೀಜಗಳನ್ನು ಅಗಿಯುವುದರಿಂದ ಒಸಡುಗಳು ಬಲಗೊಳ್ಳುತ್ತವೆ ಮತ್ತು ಹಲ್ಲುಗಳ ಮೇಲಿನ ಹಳದಿ ಕಲೆ ನಿವಾರಣೆಯಾಗಿ ಬಾಯಿ ದುರ್ವಾಸನೆ ಕಡಿಮೆಯಾಗುತ್ತದೆ.ಒಣಗಿಸಿದ ದಾಳಿಂಬೆಯ ಸಿಪ್ಪೆಯನ್ನು ಲಿಂಬೆ ಹಣ್ಣಿನಲ್ಲಿ ತೇದಿ ಚೂರ್ಣವಾಗಿ ಮಾಡಿ ಸೇವಿಸುವುದರಿಂದ ಅತಿಸಾರದ ಸಮಸ್ಯೆ ಶೀರ್ಘವಾಗಿ ಗುಣಮುಖವಾತ್ತದೆ.
6.ಚರ್ಮದ ಕ್ಯಾನ್ಸರ್ಗೆ ಬ್ರೇಕ್!
ದಾಳಿಂಬೆ ಬೀಜಗಳಿಂದ ತಯಾರಿಸುವ ಎಣ್ಣೆಯಲ್ಲಿ ‘ಪ್ಯೂನಿಕ್ ಆಮ್ಲ’ (Punicic Acid) ಸಮೃದ್ಧವಾಗಿದೆ. ಈ ಅಂಶ ಬೇರೆ ಯಾವುದೇ ಹಣ್ಣುಗಳಲ್ಲಿ ಸಿಗುವುದು ಅಪರೂಪ. ಇದು ಸೂರ್ಯನ ಅಪಾಯಕಾರಿ ಯುವಿ (UV) ಕಿರಣಗಳಿಂದ ಚರ್ಮವನ್ನು ರಕ್ಷಿಸುವುದಲ್ಲದೆ, ಚರ್ಮದ ಕ್ಯಾನ್ಸರ್ ಬರದಂತೆ ತಡೆಯುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.
7.ನೈಸರ್ಗಿಕ ಕಾಮೋತ್ತೇಜಕ (Natural Aphrodisiac)
ದಾಳಿಂಬೆ ಬೀಜಗಳು ರಕ್ತ ಪರಿಚಲನೆಯನ್ನು ಚುರುಕುಗೊಳಿಸುತ್ತವೆ. ವಿಶೇಷವಾಗಿ ಪುರುಷರಲ್ಲಿ ಟೆಸ್ಟೋಸ್ಟೆರಾನ್ ಹಾರ್ಮೋನ್ ಮಟ್ಟವನ್ನು ಹೆಚ್ಚಿಸುವ ಮೂಲಕ ಕಾಮೋತ್ಸಾಹವನ್ನು ಹೆಚ್ಚಿಸುತ್ತದೆ ಮತ್ತು ನಿಮಿರು ದೌರ್ಬಲ್ಯದಂತಹ ಸಮಸ್ಯೆಗಳಿಗೆ ನೈಸರ್ಗಿಕ ಪರಿಹಾರ ನೀಡುತ್ತದೆ.
8.ತೂಕ ಇಳಿಕೆಗೆ ಸರಳ ಸೂತ್ರ
ನೀವು ಜಿಮ್ಗೆ ಹೋಗಿ ಸುಸ್ತಾಗಿದ್ದೀರಾ? ಹಾಗಾದರೆ ದಾಳಿಂಬೆ ನಿಮ್ಮ ಬೆನ್ನಿಗಿದೆ,ಇದರಲ್ಲಿರುವ ಕರಗದ ನಾರು (Insoluble Fiber) ಹೆಚ್ಚು ಹೊತ್ತು ಹಸಿವಾಗದಂತೆ ತಡೆಯುತ್ತದೆ.ಇದನ್ನು ಜೀರ್ಣಿಸಿಕೊಳ್ಳಲು ದೇಹವು ಹೆಚ್ಚಿನ ಕೊಬ್ಬನ್ನು ಬಳಸುವುದರಿಂದ, ದೇಹದ ಅನಗತ್ಯ ಬೊಜ್ಜು ನೈಸರ್ಗಿಕವಾಗಿ ಕರಗುತ್ತದೆ.
9.ಮುಖದ ಕಾಂತಿಗೆ ‘ಮನೆಮದ್ದು’ (Beauty Tip)
ಮಾರುಕಟ್ಟೆಯ ರಾಸಾಯನಿಕ ಕ್ರೀಮ್ಗಳಿಗಿಂತ ದಾಳಿಂಬೆ ಸಿಪ್ಪೆ ಹೆಚ್ಚು ಪರಿಣಾಮಕಾರಿ,ದಾಳಿಂಬೆ ಸಿಪ್ಪೆಯ ಪುಡಿಯನ್ನು ಹಾಲಿನೊಂದಿಗೆ ಬೆರೆಸಿ ಪೇಸ್ಟ್ ಮಾಡಿ ಹಚ್ಚಿ.ಸಿಪ್ಪೆಯ ಪುಡಿಯನ್ನು ರೋಸ್ ವಾಟರ್ ಜೊತೆ ಬೆರೆಸಿ ಫೇಸ್ ಪ್ಯಾಕ್ ಮಾಡಿಕೊಳ್ಳಿ. ಇದು ಮುಖದ ಸುಕ್ಕುಗಳನ್ನು ನಿವಾರಿಸಿ ಕಾಂತಿಯನ್ನು ಹೆಚ್ಚಿಸುತ್ತದೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.