ಹೃದಯಾಘಾತದ ಹಿಂದೆ ಅಡಗಿದೆ ಈ ಸೈಲೆಂಟ್ ಕಿಲ್ಲಿಂಗ್ ಅಭ್ಯಾಸ: ಬೆಳಗಿನ ಜಾವದ ಅಪಾಯ ತಪ್ಪಿಸಲು ಇಲ್ಲಿದೆ ಟಿಪ್ಸ್

ಬೆಂಗಳೂರು: ನೀವು ಬೆಳಗ್ಗೆ ಎದ್ದ ತಕ್ಷಣ ಮೊದಲು ಮಾಡುವ ಕೆಲಸವೇನು? ಬಹುತೇಕರ ಉತ್ತರ ಫೋನ್ ನೋಡುವುದು. ಆದರೆ, ನಿಮ್ಮ ಈ ಒಂದು ಪುಟ್ಟ ಅಭ್ಯಾಸವೇ ನಿಮ್ಮ ಪ್ರಾಣಕ್ಕೆ ಸಂಚಕಾರ ತರಬಹುದು ಎಂಬ ಆಘಾತಕಾರಿ ಸತ್ಯ ಈಗ ಬಯಲಾಗಿದೆ, ಬೆಳಗಿನ ಜಾವ ಸಂಭವಿಸುವ ಬಹುತೇಕ ಹೃದಯಾಘಾತಗಳಿಗೆ ಕೇವಲ ಆಹಾರ ಅಥವಾ ಒತ್ತಡ ಕಾರಣವಲ್ಲ, ಬದಲಾಗಿ ನಾವು ಎದ್ದ ತಕ್ಷಣ ಫೋನ್ ಹಿಡಿಯುವ ‘ಅಭ್ಯಾಸ’ ಕಾರಣ ಎಂದು ತಜ್ಞರು ಎಚ್ಚರಿಸಿದ್ದಾರೆ.

ವಿಯೆನ್ನಾದ ಖ್ಯಾತ ಹೃದಯ ತಜ್ಞ ಡಾ. ಮಾರ್ಟಿನ್ ಹೇಗಲ್ ಅವರು ಸುಮಾರು 12,000 ಪ್ರಕರಣಗಳನ್ನು ಅಧ್ಯಯನ ಮಾಡಿ ಒಂದು ಭಯಾನಕ ಸತ್ಯವನ್ನು ಬಹಿರಂಗಪಡಿಸಿದ್ದಾರೆ. ಹೆಚ್ಚಿನ ಹೃದಯಾಘಾತಗಳು ಬೆಳಗ್ಗೆ 6 ರಿಂದ 10 ಗಂಟೆಯ ನಡುವೆಯೇ ಸಂಭವಿಸುತ್ತವೆ. ಇದಕ್ಕೆ ಕಾರಣ ಉಪಾಹಾರ ಅಥವಾ ಹವಾಮಾನವಲ್ಲ, ಬದಲಾಗಿ ನಮ್ಮ ಮೆದುಳು ‘ಸ್ಲೀಪ್ ಮೋಡ್’ನಿಂದ ಎದ್ದ ತಕ್ಷಣ ನಾವು ನೀಡುವ ‘ಡಿಜಿಟಲ್ ಶಾಕ್’!ಬೆಳಗ್ಗೆ 6 ರಿಂದ 10 ಗಂಟೆಯ ನಡುವೆ ಅತಿ ಹೆಚ್ಚು ಹೃದಯಾಘಾತಗಳು ಸಂಭವಿಸುತ್ತವೆ ಎನ್ನುವುದು ನಿಮಗೆ ಗೊತ್ತೇ? ಇದಕ್ಕೆ ಆಹಾರ ಅಥವಾ ವಯಸ್ಸು ಮಾತ್ರ ಕಾರಣವಲ್ಲ. ನಾವು ನಿದ್ರೆಯಿಂದ ಎದ್ದ ತಕ್ಷಣ ನಮ್ಮ ದೇಹಕ್ಕೆ ನೀಡುವ ‘ಅಭಿಘಾತ’ (Abrupt Shock) ಅಸಲಿ ಕಾರಣ ಎನ್ನುತ್ತಾರೆ ಡಾ. ಹೇಗಲ್.

ಫೋನ್ ಬಳಕೆಯಿಂದ ಹೃದಯಕ್ಕೆ ಹೇಗೆ ಅಪಾಯ?

ನಾವು ಗಾಢ ನಿದ್ರೆಯಲ್ಲಿದ್ದಾಗ ನಮ್ಮ ದೇಹ ಒಂದು ಲಯದಲ್ಲಿರುತ್ತದೆ. ಎಚ್ಚರವಾದ ತಕ್ಷಣ ದೇಹದ ರಕ್ತದೊತ್ತಡ ಸಾಮಾನ್ಯ ಸ್ಥಿತಿಗೆ ಮರಳಲು ಸಮಯ ಬೇಕು. ಆದರೆ ನಾವು ಎದ್ದ ತಕ್ಷಣ ಫೋನ್ ನೋಡುವುದರಿಂದ ಏನಾಗುತ್ತದೆ?

ಬ್ಲೂ ಲೈಟ್ ಎಫೆಕ್ಟ್: ನಿದ್ರೆಯಿಂದ ಎದ್ದ ತಕ್ಷಣ ಕಣ್ಣಿಗೆ ಬೀಳುವ ಫೋನ್‌ನ ನೀಲಿ ಬೆಳಕು ಮೆದುಳನ್ನು ತಕ್ಷಣವೇ ‘ಅಲರ್ಟ್’ ಮೋಡ್‌ಗೆ ತಳ್ಳುತ್ತದೆ.

ಕಾರ್ಟಿಸೋಲ್ ಏರಿಕೆ: ಮೆದುಳು ಸಕ್ರಿಯವಾಗುತ್ತಿದ್ದಂತೆ ದೇಹದಲ್ಲಿ ‘ಕಾರ್ಟಿಸೋಲ್’ (ಒತ್ತಡದ ಹಾರ್ಮೋನ್) ಮಟ್ಟ ದಿಢೀರ್ ಏರಿಕೆಯಾಗುತ್ತದೆ.

ತುರ್ತು ಸ್ಥಿತಿ (Emergency Mode): ಇಮೇಲ್, ನ್ಯೂಸ್ ಅಥವಾ ಸೋಶಿಯಲ್ ಮೀಡಿಯಾ ನೋಡುವುದರಿಂದ ಮನಸ್ಸು ಶಾಂತವಾಗಿರುವ ಬದಲು ನೇರವಾಗಿ ‘ಯುದ್ಧಭೂಮಿ’ಗೆ ಇಳಿದಂತೆ ಒತ್ತಡಕ್ಕೊಳಗಾಗುತ್ತದೆ. ಇದು ಹೃದಯದ ಮೇಲೆ ಭಾರೀ ಒತ್ತಡ ಹೇರಿ ‘ಹಠಾತ್ ಹೃದಯ ಸ್ತಂಭನ’ಕ್ಕೆ (Cardiac Arrest) ಕಾರಣವಾಗಬಹುದು.

ದೇಹದ ಒಳಗೇನಾಗುತ್ತದೆ?
ನಿದ್ರೆಯಿಂದ ಎದ್ದ ತಕ್ಷಣ ನಮ್ಮ ಮೆದುಳು ಸಕ್ರಿಯಗೊಳ್ಳುತ್ತಿದ್ದಂತೆ ದೇಹದಲ್ಲಿ ‘ಕಾರ್ಟಿಸೋಲ್’ (ಒತ್ತಡದ ಹಾರ್ಮೋನ್) ಮಟ್ಟ ಏರುತ್ತದೆ. ನಾವು ತಕ್ಷಣವೇ ಚಟುವಟಿಕೆಗೆ ಇಳಿದಾಗ ಅಥವಾ ಫೋನ್ ಬಳಸಿದಾಗ, ಹೃದಯವು ದಿಢೀರನೆ ವೇಗವಾಗಿ ಬಡಿಯಲು ಶುರು ಮಾಡುತ್ತದೆ. ಇದು ಹೃದಯದ ಮೇಲೆ ಅತಿಯಾದ ಒತ್ತಡ ಹೇರಿ ‘ಹಾರ್ಟ್ ಅಟ್ಯಾಕ್’ಗೆ ಕಾರಣವಾಗುತ್ತದೆ. ಡಾ. ಹೇಗಲ್ ಅವರ ಪ್ರಕಾರ, ಇದು ಕೇವಲ ರಕ್ತನಾಳಗಳ ಸಮಸ್ಯೆಯಲ್ಲ, ನಮ್ಮ ದಿನಚರಿಯ ತಪ್ಪು ನಿರ್ವಹಣೆಯಾಗಿದೆ.

ಹೃದಯ ಉಳಿಸಿಕೊಳ್ಳಲು ವೈದ್ಯರು ನೀಡುವ ‘5-10 ನಿಮಿಷ’ದ ಮಂತ್ರ:

ನಿಮ್ಮ ಹೃದಯವನ್ನು ಕಾಪಾಡಿಕೊಳ್ಳಲು ನೀವು ಆಹಾರ ಬದಲಿಸುವ ಮುನ್ನ ಈ ಕೆಳಗಿನ ಸಣ್ಣ ಬದಲಾವಣೆಗಳನ್ನು ರೂಢಿಸಿಕೊಳ್ಳಿ:

ಎಚ್ಚರವಾದ ತಕ್ಷಣ ಹಾಸಿಗೆಯಿಂದ ಹಠಾತ್ತನೆ ಜಿಗಿಯಬೇಡಿ. ದೇಹಕ್ಕೆ ಗುರುತ್ವಾಕರ್ಷಣೆಗೆ ಹೊಂದಿಕೊಳ್ಳಲು ಕನಿಷ್ಠ 5 ನಿಮಿಷ ಸಮಯ ಕೊಡಿ.

ಎದ್ದ ತಕ್ಷಣ 3 ರಿಂದ 5 ಬಾರಿ ದೀರ್ಘವಾಗಿ ಉಸಿರಾಡಿ. ಇದು ನಿಮ್ಮ ಹೃದಯದ ಬಡಿತವನ್ನು ಸ್ಥಿರಗೊಳಿಸುತ್ತದೆ.

ಎದ್ದ ತಕ್ಷಣ ಸ್ವಲ್ಪ ನೀರು ಕುಡಿಯಿರಿ, ಇದು ರಕ್ತದ ಸಂಚಾರಕ್ಕೆ ಸಹಕಾರಿ.

ಎಚ್ಚರವಾದ ನಂತರ ಕನಿಷ್ಠ 30 ನಿಮಿಷಗಳ ಕಾಲ ಯಾವುದೇ ಸ್ಕ್ರೀನ್ (ಫೋನ್, ಟಿವಿ, ಲ್ಯಾಪ್‌ಟಾಪ್) ನೋಡಬೇಡಿ.ಡಾ. ಹೇಗಲ್ ಅವರ ಪ್ರಕಾರ, ಈ ನಿಯಮ ಪಾಲಿಸಿದವರಲ್ಲಿ ಕೇವಲ 6 ವಾರಗಳಲ್ಲಿ ಬೆಳಗಿನ ರಕ್ತದೊತ್ತಡ ಗಣನೀಯವಾಗಿ ಕಡಿಮೆಯಾಗಿದೆ ಮತ್ತು ಹೃದಯದ ಆರೋಗ್ಯ ಸುಧಾರಿಸಿದೆ. ಹಾಗಾಗಿ, ನಾಳೆ ಬೆಳಗ್ಗೆ ನಿಮ್ಮ ದಿನವನ್ನು ಫೋನ್‌ನಿಂದ ಅಲ್ಲ, ಶಾಂತವಾದ ಮನಸ್ಸಿನಿಂದ ಪ್ರಾರಂಭಿಸಿ.